გაზაფხული მომინდა უცებ

ნოემბერია!
გაზაფხული მომინდა უცებ.
სურნელი კვირტის 
თავბრუს რომ ახვევს
ფუტკარს და კაცსაც.

მარწყვი მომინდა.
დაბერილი 
წითელი ფერის,
რომელსაც შენი
ბაგის სიტკბო 
სურნელი ახლავს.

არ მინდა ხვალე - გაზაფხული
არც ზეგ...  არც მაზეგ...
მე ვერ მოვიცდი...
მე ვერ დავითვლი კვირეებს თვეებს.

მე მინდა ამ წამს გაზაფხულდეს!
დღესვე და აქვე.
...და თუ ნატვრაა შენც ჩემთან იყო
ღიმილით სავსე.

/კახაბერ ჭიჭინაძე/
17.ნოემბერი. 2013წელი 22:43